ट्रकमा गाँजा तस्करी, २ सय ९० किलो गाजासहित २ जना पक्राउ
शीर्ष खबर
२६ कार्तिक २०८० ०:२१
जलेश्वर- ट्रकमा हालेर गाँजा तस्करी गरिरहेका दुई जनालाई प्रहरीले महोत्तरीबाट पक्राउ गरेको छ।
सम्सी–५ स्थित देवीस्थानबाट २ सय ९० केजी गाजासहित ट्रक चालक मकवानपुर बकैया घर भएका २५ वर्षिय लिलाबहादुर थिङ र हेटौंडा उपमहानगरपालिका–१३ बस्ने सहचालक राजेश घलानलाई प्रहरीले पक्राउ गरेको हो।
सम्सीबाट जलेश्वरतर्फ गइरहेको ना ०५ ख.९७११ नम्बरको ट्रकमा चेकजाँच गर्ने क्रममा गाँजा बरामत भएको महोत्तरीका डीएसपी दिलीपकुमार गिरिले जानकारी दिए ।
चालकको सिट पछाडि रहेको फलस बटनमा लुकाईछिपाई राखिएको १९ पोका गाजा नियन्त्रणमा लिएको उनको भनाई छ।
पक्राउ परेका चालक र सहचालकलाई थप अनुसन्धानका लागि जिल्ला प्रहरी कार्यालयमा राखी अनुसन्धान अघि बढाइएको प्रहरीले बताएको छ । नियन्त्रणमा लिएको ट्रक पनि प्रहरी कार्यालय परिसरमै राखिएको छ।
प्रतिक्रिया
