बारामा बस दुर्घटना हुँदा १५ जना घाइते, तीन जना गम्भीर

जनकपुर– बारामा मंगलबार बस दुर्घटनामा परी १५ जना घाइते भएका छन्। तीन जनाको अवस्था गम्भीर छ।
चितवनको नारायणगढबाट पर्साको वीरगञ्ज आउँदै गरेको ना ७ ख ६०७६ नम्बरको बस बिहान ११ बजेतिर बाराको जीतपुरसिमरा–२३ मा सडकमै पल्टिएको थियो।
बाराका डिएसपी दधिराम न्यौपानेका अनुसार घाइतेहरुको वीरगञ्जको गण्डकस्थित नारायणी बयोधा मेडिसिटी अस्पतालमा उपचार भइरहेको छ।
बस चालक र सहचालकलाई प्रहरीले नियन्त्रणमा लिएर दुर्घटनाको विषयमा अनुसन्धान गरिरहेको छ।
प्रतिक्रिया