काठमाण्डौं– तनहुँको आबुखैरेनी गाउँपालिका–२ र ३ नम्बर वडा जोड्ने खहरे खोलामा बस दुर्घटना भएको छ। नयाँ र पुरानो दुई वटा पुलको बीचबाट बस तल खहरेमा खोल्सामा खसेको छ।

तनहुँका डीएसपी दीपककुमार रायका अनुसार पूर्वबाट पश्चिमतर्फ जाँदै गरेको ग १ ख ९४०२ नम्बरको बस दुर्घटना भएको हो। १५ जना सवार उक्त गाडीमा अहिलेसम्म ११ जना घाइते भएको विवरण प्राप्त भएको उनले बताए।

घाइते मध्ये ९ जना सामान्य छन् भने २ को अवस्था मध्यम रहेको छ। उद्धारको क्रम जारी नै रहेकाले थप विवरण आउन बाँकी रहेको डीएसपी रायले जानकारी दिए।