पालिकामा जनप्रतिनिधि र कर्मचारीको वदमासीः कार्यालयमा ताला लगाएर हिँडेपछि नागरिकलाई सास्ती
शीर्ष खबर 
राजविराज– सप्तरीको कञ्चनरुप नगरपालिकामा कर्मचारीको गैरजिम्मेवारीले सीमा नाघेपछि सर्वसाधारण मारमा पर्न थालेका छन्। पालिकाका प्रमुख प्रशासकीय अधिकृत, इन्जिनियर लगायतका जिम्मेवार कर्मचारी विनाजानकारी लामो समयसम्म कार्यालयमा अनुपस्थित हुँदा त्यसको मार सर्वसाधारणले भोग्नु परेको छ।
एक कर्मचारीले दिएको जानकारी अनुसार प्रमुख प्रशासकीय अधिकृत रामनारायण साह एक हप्तादेखी कार्यालयमा उपस्थित छैनन्। नत उनले यस वारेमा कसैलाई जानकारी गराएका छन्। उनले आफनो कार्यकक्षमा ताला लगाएर हिडेको ती कर्मचारीले बताए।
दर्ता, चलानी र हाजिरी रजिष्टरसमेत थुनेर हिडेपछि अन्य कर्मचारीको हाजिरी र सर्वसाधारणका सामान्य काम समेत प्रभावित भएको जनाईएको छ। प्रमुख प्रशासकीय अधिकृत साह असार मसान्तपछि तिर्थयात्रामा भारत हिडेका थिए। उताबाट फर्केर आएपछि पनि कार्यालयमा उनको उपस्थिती नियमित छैन। यसैबीच एक हप्तादेखि कार्यकक्षमा ताला लगाएरै सुँईकुच्चा ठोकेपछि जनप्रतिनिधि र अन्य कर्मचारी अन्यौलमा छन्।
यता, इन्जिनियर शशीकान्त चौधरी डेढ महिनादेखी बेपत्ता छन्। २४ असारदेखि कार्यालयमा अनुपस्थित भएका चौधरीका कारण घरजग्गा फाँटको काम ठप्प छ। नक्सा पास गरेर घर बनाउने योजनामा रहेका नागरिक कार्यालय धाउँदा धाउँदै हैरान छन्।
कर्मचारी मात्र होईन, मेयर ललनप्रसाद गुप्ता समेत लामो समयदेखि कार्यपालिकाको कार्यालयमा देखिएका छैनन्। असार सकिनासाथ उनी पनि धार्मिक यात्रामा भारततिरै निस्किएका थिए। भारतको घुमघामबाट फर्केका गुप्ता एक सातादेखि पालिकामा नदेखिएको कार्यालयमा आएका सर्वसाधारण बताउँछन्।
यसरी जिम्मेवार ब्यक्ति सवै वाहिर हुँदा पालिकाको कामकाज अस्तब्यस्त भएको नेकपा एमालेका नगर कमिटी सचिवसमेत रहेका स्थानीयवासी केबल खत्रीले बताए।
नगर प्रमुख आफ्नो ब्यक्तिगत महत्वपुर्ण काम को कारण बाहिर रहेको हो भने त ठिकै छ् हैन वाइघात मा घुमाफिर गरेर जनता को नियमित काम हरु मा असहयोग दुख दिने काम गरेको हो भने हामि नगर बासिको दुर्भाग्य हो ,यो साडेको जुदाइ बाछापाडा को मिचाइ हुन नदिन हामि नगर बासि सचेत हुन आबस्यक छ।