दमकमा घडेरीको विषयमा विवाद हुँदा ग्याङ फाईट, एक युवकको मृत्यु
शीर्ष खबर
७ कार्तिक २०८१ ०:४८
दमक– झापाको दमकमा जग्गा सम्बन्धी विवादले ग्याङ फाईट हुँदा बुधबार साँझ एक युवकको मृत्यु भएको छ।
दमक नगरपालिका–९ का देशु भनिने यमु निरौला (३७) को मृत्यु भएको हो। दमक–३ स्थित घडेरीको विषयमा विवाद भएर झडप हुँदा निरौला गम्भिर घाईते भएका थिए।
उनलाई उपचारका लागि आम्दा अस्पताल भर्ना गरिएको थियो। उपचारकै क्रममा उनको मृत्यु भएको प्रहरीले जनाएको छ।
दमक–३ का वडाध्यक्ष नवीन बरालले जग्गा सम्बन्धी विवादमा ग्याङ फाइट भएको बताए। प्रहरीले घटनाको विषयमा थप अनुसन्धान गरिरहेको दमक प्रहरीका इन्स्पेक्टर रामभक्त आचार्यले वताए।
प्रतिक्रिया
