राजविराज– काठमाण्डौंको सितापाईला स्थित एक कल्भर्टमा विहिवार राती कार दुर्घटना भई मृत्यु हुने धरानका ब्यापारी भएको खुलेको छ। दुर्घटनामा कार चालक ४५ वर्षीय पूर्णवहादुर दर्नालको मृत्यु भएको थियो।

मृतक धरान उपमहानगरपालिका– १७, घोपाका निवासी भएको खुलेको छ। उनी हाल काठमाण्डौमा खुकुरी व्यवसाय गरेर अस्थायी बसोबास गर्दै आएका थिए। विहीबार राती काठमाण्डौ नार्गजुन–६ स्थित सिभिल होमनजिकै छमछमे खोलाको कल्भर्टबाट कार खसेर उनको मृत्यु भएको थियो।

वा.प्र.०२७.०४९१ नम्बरको उनको कार राती नै दुर्घटना भएपनि विहान मात्रै उनको उद्वार भएको थियो। मनमोहन मेमोरियल अस्पतालमा भर्ना गरिएका दर्नालको उपचारकै क्रममा मृत्यु भएको थियो।

भतिज रोशन दर्नालका अनुसार नार्गजुन–६, खरीबोटमा रहेको खुकुरी उद्योगतर्फ जाने क्रममा पूर्णवहादुर दुर्घटनामा परेका हुन। उनका दुई भाई दिपक र चन्द्र दर्नाल पनि धरानका खुकुरी व्यवसायी हुन। पूर्णवहादुर माईला भाई हुन।

मृतकका श्रीमती, ३ छोरीसहित ४ सन्तान छन्।

यो पनि,

• सितापाईलामा कल्भर्टबाट कार खस्यो, समयमा उद्धार नहुँदा चालकको मृत्यु