प्रेमिकाको घाँटी रेटेर हत्या गरि फरार भएका चौधरी एक वर्षपछि पक्राउ

काठमाण्डौं– एक वर्षअघि २२ वर्षीया एक किशोरीको घाँटी रेटी हत्या गरेर फरार भएका बाँकेको राजापुर नगरपालिका ८, बर्दियाका २६ वर्षीय शैलेन्द्र चौधरीलाई प्रहरीले पक्राउ गरेको छ।

नेपाल–भारत सीमा क्षेत्रमा पर्ने बाँकेको जानकी गाउँपालिका १ पचपोखराबाट चौधरीलाई पक्राउ गरिएको हो। जिल्ला प्रहरी कार्यालय बाँकेका डिएसपी नारायण डाँगीका अनुसार चौधरीले २९ बैशाख, ०८० मा नेपालगन्जमा २२ वर्षीया किशोरीको हत्या गरेका थिए।

नेपालगन्ज उपमहानगरपालिका ९ स्थित कोठा भाडामा लिएर बस्दै आएकी कोहलपुर नगरपालिका ६ की २२ वर्षीय सुमदरानी थारुको घाँटी रेटेर फरार भएका उनी अहिले पक्राउ परेका हुन। मृतक किशोरी उनकै प्रेमिका भएको खुलेको छ।

पक्राउ परेका चौधरीलाई बाँके जिल्ला अदालत उपस्थित गराई अनुशन्धानका लागि ५ दिनको म्याद लिईएको डीएसपी डाँगीले बताए।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट