काठमाण्डौं– बैतडीको मेलौली नगरपालिका–३ तल्खेतमा मा घरको छतमा ट्याक्टर खस्दा दुई बालिका घाइते भएका छन्।

सु प प्र ०१ ००२ त ४३७० नम्बरको ट्याक्टर छतमा खस्दा स्थानीय ७ वर्षीया निकिता चन्द र ७ वर्षीया पूर्णिमा चन्द घाईते भएका हुन। घाइते दुवैको पाटन प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय इन्स्पेक्टर बलराम पाण्डेयले जानकारी दिए।

ढुङ्गा बोकेको ट्याक्टर एक्कासी सडकबाट एक सय मिटर तल रहेको एउटा घरको छतमा खसेको थियो। ट्यायाक्टर खस्दा घरमा समेत क्षति पुगेको छ। ट्यायाक्टर चालक धनीराम डगौरा पक्राउ परेका छन्।