रौतहटमा लागु औषध प्रयोगकर्ताद्वारा छुरा प्रहार गरी युवकको हत्या

वीरगन्ज– लागु औषध प्रयोगकर्ताले गएराती छुरा प्रहार गरी रौतहटमा एक युवकको हत्या गरेका छन्। इशनाथ नगरपालिका–९, लवतनाका १८ वर्षीय सहबाज मिया आलमको हत्या भएको हो।
आलमको शव इशनाथ–२, औरैयास्थित नगरपालिकाका कार्यालय अगाडिको आप बगंैचामा फेला परेको प्रहरीले जनाएको छ। उनको पेटमा छुरा प्रहार हुँदा घटनास्थलमै मृत्यु भएको प्रहरीको भनाई छ।
हत्या कस्ले गर्यो भन्ने यकिन भएको छैन। तर, एकै समूहमा बसेर लागुऔषध सेवन गर्ने क्रममा विवाद भएपछि उनीमाथि छुरा प्रहार भएको आशंका छ। जिल्ला प्रहरी कार्यालय रौतहटका एसपी दिलिप घिमिरेले मृतकको शव पोस्टमार्टमका लागि प्रादेशिक अस्पताल गौरमा राखिएको छ।
घटनाको अनुशन्धान भईरहेको उनले बताए।
प्रतिक्रिया