दमक– पूर्वपश्चिम राजमार्ग अन्तर्गत झापाको कमल गाउँपालिका–४ अमलडाँगीमा शनिवार राती मोटरसाईकल दुर्घटना हुँदा २ जनाको मृत्यु भएको छ।

केर्खाबाट दमकतिर जाँदै गरेको को २७ प ३५१३ नम्बरको मोटरसाइकल अनियन्त्रित भई दुर्घटना हुँदा शिवसताक्षी–८ निवासी ३३ वर्षीय अनिल कुमार लिम्बु र २० वर्षीय सोमराज लिम्बु गम्भीर घाइते भएका थिए।

टाउको र बाँया हातमा चोट लागेका अनिलको उपचारका क्रममा मृत्यु भएको हो। सोमराज लिम्बुलाई बाहिरी चोट देखिएको थिएन। दुबैलाई उपचारका लागि दमक अस्पताल लगिएको थियो।

केर्खा प्रहरी चौकीले मोटरसाइकल नियन्त्रणमा लिएको छ।