काठमाडौँ– मुस्ताङको जोमसोमबाट लेतेतर्फ जाँदै गरेको कार र विपरित दिशाबाट आउँदै गरेको मोटरसाइकल ठोकिँदा मंगलबार साँझ एक जनाको मृत्यु भएको छ।

ग१च ७६९२ नम्बरको कार र बेनीबाट जोमसोमतर्फ आउँदै गरेको मोटरसाइकल घरपझोङ–३ पुथाङ एअरपोर्ट नजिक ठोकिएर दुर्घटना भएको हो। दुर्घटनामा आरु चनौटे–९ गोरखाका मोटरसाइकल चालक करिव ३२ वर्षीय सञ्जय खड्काको मृत्यु भएको छ।

जिल्ला प्रहरी कार्यालय मुस्ताङका डीएसपी सूर्यबहादुर बोगटीका अनुसार मोटरसाइकल चालक खड्का काठमाडौंबाट अप्पर मुस्ताङको भ्रमणका लागि जाँदै थिए। दुर्घटनामा घाइते भएका खड्कालाई मुस्ताङ अस्पतालमा पु¥याईएको थियो।

अस्ताल पु¥याए पनि उपचार गर्न नपाउँदै उनको मृत्यु भएको डीएसपी बोगटीले जानकारी दिए। दुर्घटनापछि प्रहरीले कार चालकलाई पक्राउ गरेको छ।