कारले घरको आँगनमै ठक्कर दिँदा एक महिलाको मृत्यु, ३ जना घाईते
शीर्ष खबर
१० मंसिर २०८१ ८:५६
गाईघाट– मदनभण्डारी राजमार्ग अन्तर्गत उदयपुरको चौडण्डीगढी नगरपालिका–९, भिमामा सोमबार विहान कारको ठक्करबाट एक महिलाको मृत्यु भएको छ।
गाइघाटबाट बेल्टारतर्फ जाँदै गरेको प्रदेश १–०४००१ च १३८६ नम्बरको कारले ठक्कर दिँदा स्थानीय ४५ वर्षीया कमलादेवी चौधरीको मृत्यु भएको हो। घटना लगत्तै स्थानीयले उद्धार गरी चौधरीलाई अस्पताल लैजाँदै गर्दा बाटोमै मृत्यु भएको प्रहरीले जनाएको छ।
अनियन्त्रित भएर सडकबाट वाहिर पुगेको कारले चौधरीलाई उनको आफनै घरको आँगनमा ठक्कर दिएको थियो। दुर्घटनामा चालकसहित तीन जना घाइते भएका छन्।
स्थानीय २७ वर्षीया पनावती चौधरी, चालक सप्तरीको सप्तकोशी नगरपालिका, फत्तेपुरका अमर दियाली र कारमा सवारत सावन खाती घाइते भएको प्रहरीले जनाएको छ।
घुमाउरो सडकमा तिव्र गतिमा आएको कार अनियन्त्रित भइ रुखमा ठोक्किँएर उछिटिदै घरतिर पसेको थियो।
प्रतिक्रिया
