काठमाण्डौं– नेपालका लागि तत्कालिन इजरायली राजदुतको सन्देश बोकेर ६ वर्षपछि प्रधानमन्त्री केपी शर्मा ओलीसँग भेट्न खोजेका राष्ट्रियसभा सदस्य वामदेव गौतम भेट नपाएपछि निरास भएका छन्।

प्रधानमन्त्रीलााई भेट्न नपाएको निरासा उनले आईतबार राष्ट्रिय सभाको वैठकमा पोखे। राष्ट्रियसभाको विशेष समयमा बोल्दै उनले देशमा घटिरहेको घटनाका बारेमा प्रधानमन्त्रीसँग भेट्न खोजे पनि समय नपाएको गुनासो गरे।

सांसद गौतमले प्रधानमन्त्रीलाई भेटेर सुनाउन चाहेको विषय हो– गिट्टी र बालुवा बिना सडक बनाउन सकिने इजरायलका राजदुतले दिएको सल्लाह लागू गर्नु। गौतमका अनुसार २०७३/०७४ सालतिर इजरायलदका राजदुत विष्णु पौडेलको घरमा पुगेका थिए। त्यहाँ संयोगले गौतम पनि थिए।

त्यसबेला इजरायली राजदूतले भनेका थए, ‘हामीले धेरै समयको खर्च गरेर, बैज्ञानिकहरुको प्रयोग गरेर बिटुमिन (अलकत्रा)को ठाउँका अर्को केमिकलको विकास गरेका छौं। तपाईंहरुको जस्तो भूगोल भएका मुलुकहरुमा बाटो निर्माण गर्नको निम्ति ठूलो मद्धत गर्न सक्छ। त्यो सयौं वर्षसम्म बिग्रिदै र भत्किदैन। गिटी र बालुवा पनि चाहिन्न।’

राजदुतको भनाई स्मरण गर्दै गौतमले भने उक्त ‘केमिकल माटोमा जति ठाउँसम्म जान्छ चट्टान जस्तो भएर बस्छ।’ नेपालमा जति प्राकृतिक घटना घट्छन् पहिले नै गर्नुपर्ने काममा कसैको पनि ध्यान नगएकाले भएको उनको भनाइ छ।

इजरायली राजदूतले सुझाए अनुसार नेपालमा उक्त केमिकल ल्याउन सरकारलाई उनको आग्रह छ।