ललितपुरको बंगलामुखी मन्दिर नजिकै कुम्भेश्वरको एक घरमा आगलागी
शीर्ष खबर
३ भदौ २०८१ ३:३९
काठमाण्डौं– ललितपुर बंगलामुखी मन्दिर नजिकै कुम्भेश्वरको एक घरमा सोमबार विहानै आगलागी भएको छ। अमिरमान बज्राचार्यको तीन तले घरमा आगलागी भएको हो।
आगलागी ललितपुर महानगरपालिकाका ३ वटा दमकल, एउटा ट्याङ्कर र ३० जना नगर प्रहरीको सहायतामा केहीबेरमै नियन्त्रणमा लिइएको छ। ललितपुर महानगरपालिकाका नगर प्रहरी प्रमुख सीताराम हाछेथुका अनुसार आगलागी भएका बेला घरमा कोही थिएनन्।
जात्राको दिन भएकाले भूइँतलामा जेरी, स्वारी पकाउने काम भइरहेको थियो। त्यहीबेला ग्यास लिक भएर आगलागी भएको हुन सक्ने प्रारम्भिक अनुमान गरिएको उनको भनाई छ।
प्रतिक्रिया
