१० जना चढेको जिप भिरबाट खस्यो, १ जनाको अवस्था चिन्ताजनक

काठमाण्डौं– १० जना यात्रु बोकेर छत्रदेवबाट बुटवल जाँदै गरेको जिप बुधबार हिले खोलामा दुर्घटना भएको छ। सितगंगा गाउँपालिका–१२ स्थित सन्धिखर्क गोरुसिंगे सडक खण्डमा मा लु.१ ज ४७६३ नम्बरको डबल क्याप बोलेरो दुर्घटना भएको हो।
अर्घाखाँचीका डीएसपी प्रतितसिंह राठौरका अनुसार दुर्घटना परेर घाइते भएका १ जनाको अवस्था गम्भीर छ। अन्य घाइतेहरूको अवस्था मध्यम रहेको जनाईएको छ। ‘जिप दुर्घटनामा परेर १० जना घाइते भएका छन्। एक जनाको अवस्था गम्भीर छ।’– उनले भने।
जिप आफैँ अनियन्त्रित भई सडकबाट अन्दाजी ६० मिटर तल खसेको प्रहरीले जनाएको छ। घटनास्थल इलाका प्रहरी कार्यालय ठाडाबाट करिब १२ किलोमिटर दक्षिणमा पर्छ। घाइतेहरुको पहिचान खुल्न बाँकी छ।
प्रतिक्रिया