ताप्लेजुङ– ताप्लेजुङको दोभान बजारमा भएको अन्तरजिल्ला क्लबस्तरीय आमन्त्रित पुरुष भलिबल प्रतियोगिताको उपाधी झापाले जितेको छ।

बिहीबार भएको फाइनल खेलमा आयोजक ताप्लेजुङको मुकेश मेमोरियल क्लबलाई सोझो सेटमा पराजित गर्दै पाथीभरा टाइगर भलिबल क्लब दमक झापाले उपाधि जिजेतको हो। झापाले ताप्लेजुङलाई २५–१४, २५–१९ र २५–१९ ले पराजित ग-यो।

एकाघरका दाजुभाइले नेतृत्व गरेका दुई टिम फाइनलमा भएकाले प्रतियोगिता रोचक भएको थियो। झापाको नेतृत्व गरेका मुस्कान खुदाङ र ताप्लेजुङ टिमको नेतृत्व गरेका मुकेश दाजुभाइ हुन्। उनीहरु सिदिङवा गाउँपालिका–७ सुरुमखिमका बासिन्दा हुन्।

उपाधि विजेता झापाले ३ लाख २ हजार हात पारेको छ भने उपविजेता ताप्लेजुङले १ लाख ५१ हजार रुपैयाँ पुरस्कार प्राप्त गरेको छ। प्रतियोगितामा भारत सिक्किमको नाम्ची क्लबसहित ८ टिमको सहभागिता थियो।