तनहुँमा जिप दुर्घटना हुँदा २ जनाको घट्नास्थलमै मृत्यु
शीर्ष खबर
२५ पुष २०८० ६:३९
काठमाडौं– पोखराबाट पाल्पाको रामपुर जाँदै गरेको जिप तनहुँको भिमादमा दुर्घटना हुदाँ दुई यात्रुको घटनास्थलमै मृत्यु भएको छ। चालकसहित १० जना यात्रु घाइते भएका छन्।
घाइतेमध्ये ९ जना सिकिस्त छन्। घाइतेहरूको जिपि कोइराला स्वासप्रश्वास अस्पताल पोखरामा उपचार भइरहेको छ।
प्रहरीका अनुसार ग १ ज ६३५६ नम्बरको जिप बरालथुम्कीमा बिहान दुर्घटना भएको हो। जिप सडकबाट करिब ३ सय मिटर तल खसेको इलाका प्रहरी कार्यालय भिमादका इन्चार्ज प्रहरी निरीक्षक उदयराज पौडेलले वताए।
अर्को गाडीलाई साइड दिने क्रममा जिप सडकबाट तल खसेको जनाईएको छ।
प्रतिक्रिया
