जनकपुर– धनुषामा मोवाईलमा भिडिओ हेर्ने विषयमा विवाद हुँदा साथीको हत्या गर्ने दुई जनालाई प्रहरीले पक्राउ गरेको छ।

जनकनन्दनी गाउँपालिका–२ का १८ वर्षीय कैफ नदाफको हत्या आरोपमा ३० वर्षीय सहमत नदाफ र २२ वर्षीय जाकिस नदाफ पक्राउ परेका हुन।

रोजा सकेर राति करिव साढे १० बजे उनीहरु आँप वगैचामा वसेर बियर खाएका थिए। सोही क्रममा भिडिओ हेर्ने विषयमा विवाद भएको र विवाद वढ्दै जाँदा दुईजना साथीले नदाफको घाँटी रेटेको प्रहरीले जनाएको छ।

घाइते नदाफलाई उपचारका लागि भारत लगिएको थियो। घट्नास्थल भारतीय सीमाबा ५० मिटर टाढा रहेको जनाईएको छ। उपचारकै क्रममा राति २ बजे उनको मृत्यु भएपछि शव घर ल्याएर प्रहरीलाई खबर गरिएको थियो।