गोरखामा हिमताल फुट्यो, स्थानीय खहरेमा भिषण बाढी, एउटा पुल बगायो
शीर्ष खबर
९ वैशाख २०८१ ४:११
काठमाडौं– गोरखाको चुननुब्री गाउँपालिका– १ मा रहेको वीरेन्द्र हिमताल फुटेर स्थानीय खहरेमा भिषण बाढी आएको छ।
बाढीले १५ मिटर लामो एउटा काठको पुल बगाएको छ भने थप विवरण आउन बाँकी रहेको जिल्ला प्रहरी कार्यालय गोरखाले जनाएको छ।
गोरखा प्रहरीका एसपी बासुदेव पाठकले केहीबेरअघि प्रहरी टोली घटनास्थलतिर गएको बताए। ताल रहेको क्षेत्र चुननुब्री– १ सानागाउँबाट झण्डै दुई घण्टाको पैदल दुरीमा पर्ने उनले जानकारी दिए।
मानव वस्ती त्यति नभएकाले बाढीले मानिस र पशु चौपायालाई क्षति नगरेको उनको अनुमान छ। तर, एकिन जानकारी प्रहरी पुगेपछि मात्रै आउने उनको भनाई छ।
प्रतिक्रिया
