धावनमार्गमा ‘क्रयाक’ भएपछि अवरुद्ध त्रिभुवन विमानस्थल सुचारु
![धावनमार्गमा ‘क्रयाक’ भएपछि अवरुद्ध त्रिभुवन विमानस्थल सुचारु](https://www.sheershakhabar.com/wp-content/uploads/2024/05/biman.jpg)
काठमाडौं– धावन मार्गमा क्रयाक भएपछि बन्द भएको त्रिभुवन अन्तर्राष्ट्रिय विमानस्थलको उडान–अवतरण सेवा पुनः सूचारु भएको छ।
विमानस्थल कार्यालयका प्रवक्ता सुवास झाले विमानस्थलको सेवा सुचारु भएको जानकारी दिए। धावनमार्गमा खाल्डो देखिएपछि १ घण्टाका लागि विमानस्थल बन्द गरिएको थियो।
उनका अनुसार थाई एयरवेजको जहाज, मलेसिया एयरलाइन्सको जहाज अवतरण गरिसकेको छ भने सिचुवान एयरलाइन्स र एयर चाइनाको जहाजले उडान भरेका छन्।
‘ठूलो धावनमार्गमा कुनै पनि बेला समस्या आउनसक्छ। अहिले गर्मीको समय छ, पिच तातेको छ। अहिलेलाई भने समस्या समाधान भएको छ, उडान र अवतरण यथावत् भएका छन्।’– उनले भने।
प्रतिक्रिया