काठमाडौँ– भारतको उत्तराखण्डस्थित अलमोरा जिल्लामा सोमबार विहान बस दुर्घटना हुँदा ३६ जनाको मृत्यु भएको छ।

नैनीडाँडाको किनाथबा रामनगर जाँदै गरेको ४५ सिटको बस २ सय मिटर तल नदी किनारमा खसेर दुर्घटना भएको हो। मर्चुला पुग्नेबित्तिकै बस सारद बन्दरनजिक नदीतर्फ खसेको थियो।

दुर्घटनामा ३६ जनाको मृत्यु भएको र ९ जनाको उद्धार गरी अस्पताल पु¥याइएको स्थानीय प्रहरीले जनाएको छ। घाईते ९ मध्ये ३ जनालाई उपचारका लागि हेलिकप्टरमार्फत् एम्स अस्पताल लगिएको भारतीय समाचार संस्थाले उल्लेख गरेका छन। बसमा ५५ भन्दा बढी यात्रु सवार थिए।