काठमाडौँ– दार्चुलाको शैल्यशिखर नगरपालिकामा जिप दुर्घटना हुँदा ६ जनाको मृत्यु भएको छ। घट्नामा ७ जना घाईते छन्।

मालिकार्जुनबाट गोकुलेश्वर जाँदै गरेको म १ ज ३३८ नम्बरको जिप बिहान करिव ४ बजे शैल्यशिखर–६ को बकजेबलामा दुर्घटना भएको हो। मृतकको सनाखत भएको छैन।

७ जना घाइतेलाई उपचारका लागि अस्पताल पठाईएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ।

ट्राफिक प्रमुख एसपी राजिव बस्नेतका अनुसार स्थानीय मालिकार्जुन मन्दिरमा लागेको जात्रा हेरेर फर्किने क्रममा दर्शनार्थी बोकेको जिप दुर्घटनामा परेको हो। जिप सडकबाट करीब १०० मिटर तल खसेको छ। दुर्घटनाको कारण भने खुलेको छैन।