विराटनगर– विराटनगरको बरगाछी चौकमा निर्माण गरिएको कृष्णप्रसाद कोइरालाको सालिकमा विहिबार राती ट्रक ठोक्किदा चालक गम्भिर घाईते भएका छन्।

इटहरीबाट विराटनगरतर्फ जाँदै गरेको ना ३ ख ४५७९ नम्बरको मालबहाक ट्रक राती करिव ९ बजे बीच सडकमा निर्माण गरिएको कोईरालाको शालिकमा ठोक्किएको थियो।

दुर्घटनामा ट्रक चालक गम्भीर घाइते भएको र उनको अवस्था चिन्ताजनक रहेको जिल्ला प्रहरी कार्यालय मोरङका डीएसपी रञ्जनकुमार दाहालले बताए । घाइते चालकको बरगाछीस्थित लाइफ गार्ड अस्पतालमा उपचार भइरहेको छ।

यसअघि पनि टिपरको ठक्करले उक्त स्थानमा रहेको सालिक दुई पटक भत्केको स्थानीयले बताए । पछिल्लो पटक लायन्स क्लबले बनाएको बरगाछीको सालिक टिपरको ठक्करले भत्किएपछि स्थानीयले मातृका, विशेश्वर र गिरिजाप्रसाद कोइरालाका पिता कृष्णप्रसाद कोइरालाको सालिक निर्माण गरेका थिए ।