लहान– सिरहामा घाँटी रेटेर एक महिलाको हत्या गरिएको छ। लक्ष्मीपुर पतारी गाउँपालिका ६ सितापुरमा ६० वर्षीय रामसितल दासकी श्रीमती ५५ वर्षीया कुमिया देवी दासको हत्या भएको हो।

श्रीमान् रामसिललले नै कुमियादेवीको हत्या गरेको अनुमान छ। उनले हसियाले घाटी रेटी श्रीमतीको हत्या गरेको प्रारम्भिक अनुशन्धानमा खुलेको सिरहा प्रहरीका एसपी सन्तोष आचार्यले जानकारी दिए।

प्रहरीले रामसितललाई पक्राउ गरेको छ। घटनाबारे थप अनुसन्धान भइरहेको एसपी आचार्यले जानकारी दिए। सिरहामा एक साताभित्र ३ जना महिलाको हत्या भएको छ।