काठमाडौं– पेटमा एक किलो लागु औषध (कोकिन) लिएर काठमाण्डौ झरेकी एक विदेशी महिलालाई प्रहरीले ठमेलबाट पक्राउ गरेको छ। कंगोकी ४९ वर्षीया अपुला एकुत्सु मबोंगोलाई लागु औषध नियन्त्रण ब्यूरोको टोलीले पक्राउ गरेको हो।

ती महिला ४ जेठमा दुबईबाट त्रिभुवन विमानस्थल ओर्लिएकी थिईन। विमानस्थलबाट उनी सिधै ठमेलको एक होटलमा गईन। कोकिन आउन लागेको पूर्व सुचना पाएको प्रहरीले ल्याउने ब्यक्तिको बारेमा थाहा पाएको थियो।

त्यसैले प्रहरी कोकिन ल्याउने ब्यक्तिको खोजीमा थियो। निगरानीका क्रममा उनले नै १ किलो १०१ ग्राम कोकिन ल्याएको भन्ने पुष्टि भएपछि उनी बसेको कोठा खानतलासी गरेर प्रहरीले पक्राउ गरेको हो।

ह्याण्ड ब्यागभित्र प्लाष्टिकले ¥याप गरेको अवस्थामा ८५ थान कोकिनका क्याप्सुल बरामद गरिएको ब्यूरोका एसपी रामेश्वर कार्कीले बताए।