प्रेमी जाहिर इक्बालसँग विवाह गर्दै सोनाक्षी सिंहा
शीर्ष खबर 
काठमाण्डौं– बलिउड अभिनेत्री सोनाक्षी सिन्हाको २३ जुनमा विवाह हुने भएको छ। उनले प्रेमी जाहिर इक्बालसँग विवाह गर्न लागेकी हुन।
सोनाक्षी र जाहिर दुई वर्षदेखि प्रेममा छन्। तर, सार्वजनिक रूपमा एकअर्काको प्रेम स्विकारेका भने छैनन्। यद्यपी, उनीहरुले विवाह गर्ने निर्णय भने गरिसकेका छन्।
सोनाक्षीले आफ्नो निकट साथीभाइ तथा परिवार र आफन्तलाई विवाहमा आउनका लागि निम्तो समेत दिइसकेकी छन्। उनीहरूको विवाह मुम्बईको बास्टियनमा हुनेछ।
अहिले चर्चामा रहेको सिरिज ‘हीरामण्डीः द डायमण्ड बाजार’ की अभिनेत्रीसमेत रहेकी सोनाक्षीको जन्मदिनमा जाहिरले सामाजिक सञ्जालमा सोनाक्षी र आफ्नो तस्बिर राख्दै जन्मदिनको शुभकामना दिएका थिए।
दबंग फिल्मबाट बलिउडमा कदम राखेकी सोनाक्षी सन् १९८७ जून २ मा जन्मिएकी हुन। कुनै बेलाका अभिनेता तथा हाल भारतीय जनता पार्टीका नेता शत्रुधन सिन्हाकी छोरी हुन्, उनी। तर, बलिउडमा प्रवेश गरेर स्थापित भएसँगै उनको परिचयले पितालाई चिनाउनुपर्ने अवस्था छ।
