भरतपुरमा पिकअप र बस ठोक्किएर दुर्घटना हुँदा साईकल यात्रीको मृत्यु
शीर्ष खबर
२९ भदौ २०८१ १३:३९
चितवन– चितवनमा दुई वटा गाडीका चालकको कमजोरीले दुर्घट्ना हुँदा साईकल यात्रीको मृत्यु भएको छ।
नारायणगढ मुग्लिन सडक खण्डको भरतपुर महानगरपालिका– १, पानी ट्याङ्कीको ओरालोमा पिकअप र बस ठोकिएका थिए। पिकअप र बस ठोक्किएर साइकललाई पनि ठक्कर दिँदा साइकल चालकको मृत्यु भएको हो।
चितवन प्रहरीका अनुसार मुग्लिनबाट आँपटारी आउँदै गरेको बा.प्र. ०१–०२६ च ५५१९ नम्बरको पिकअप र नारायणगढबाट मुग्लिनतर्फ गइरहेको ग २ ख ८५५ न.को बस ठोक्किएका थिए। दुर्घटनामा वस अनियन्त्रित भएको पिकअपले साइकललाई पनि ठक्कर दिएको चितवन प्रहरीका डिएसपी भेषराज रिजालले वताए।
दिउँसो करिव साढे ४ बजे भएको दुर्घटनामा भरतपुर–१, रामननगरका ६४ वर्षीया राम थापाको मृत्यु भएको प्रहरीले जनाएको छ। गम्भीर घाइते थापालाई उपचारका लागि भरतपुर अस्पताल लगिएको थियो। उपचार नथाल्दै उनको मृत्यु भएको थियो।
प्रतिक्रिया
