काठमाडौं- काठमाडौं महानगरपालिका–१६ नयाँबजारमा डेरा गरी बस्ने एक महिलाको फ्रिजबाट करेन्ट लागेर मृत्यु भएको छ।

बारा मधुवन नगरपालिका–१ घर भएकी ३४ वर्षीया लिलावती चौघरीको करेन्ट लागेर शनिबार दिउँसो मृत्यु भएको हो ।

काठमाडौं महानगरपालिका–१६ नयाँबजारस्थित आफैले संचालन गरेको चौधरी खाजा घरमा फ्रिज चलाउने क्रममा उनलाई करेन्ट लागेको थियो।

करेन्ट लागेर गम्भीर घाइते भएकी उनलाई महारजगंजस्थित शिक्षण अस्पतालमा भनाई गरिएको थियो। उपचारका क्रममा उनको मृत्यु भएको प्रहरीले जानकारी दिएको छ ।

प्रहरीले घट्नाको अनुसन्धान गरिरहेको छ। दशैंको बेला उनको परिवारमा पीडा थपिएको छ।