मोरङमा आगलागी हुँदा सिंगो गाउँ ध्वस्त, डीएसपी भन्छन्– १९ घर जलिसके
शीर्ष खबर
३ चैत २०८० ११:३०
विराटनगर– मोरङको रंगेलीमा शनिबार दिउँसो आगलागी हुँदा सिंगो गाउँ खरानी भएको छ। रंगेली नगरपालिका–३ बाबू सहायक टोलमा आगलागी भएको हो।
जंगली मुर्मुको गोठबाट दिउँसो करिव साढे २ बजे सुरु भएको आगलागीमा १९ घर जलेको मोरङ प्रहरीका डीएसपी रन्जनकुमार दाहालले वताए।
बिजुली सर्ट भएर आगलागी भएको अनुमान गरिएको छ। प्रहरीका अनुसार घरहरू बाँसको टाटीले बारेका र सेन्टीबेरा लगाएर बनाइएका थिए। घटनामा कति क्षति भयो भन्ने यकिन छैन। क्षतिको विवरण संकलन गर्न बाँकी छ।
प्रहरी, स्थानीय र दमकलले आगो नियन्त्रणको प्रयास गरिरहेको प्रहरीले जनाएको छ।
फाईल फोटो
प्रतिक्रिया
