काठमाण्डौं– गोरखामा पहिरो जाँदा एकै परिवारका ३सहित ५ जना बेपत्ता भएका छन्।

स्थानीयका अनुसार खोरखाको धार्चे–५ मा आज बिहान करिब तीन बजे खसेको पहिरोले एउटा कृषि फर्म र एउटा घर पुरेको थियो।

पहिरोमा घर र कृषि फर्म पुरिएको खबर पाएलगत्तै खोज तथा उद्धारका लागि नेपाली सेना, सशस्त्र प्रहरी, नेपाल प्रहरी र स्वास्थ्यकर्मीको टोली परिचालन गरिएको गोरखा प्रशासनले जनाएको छ।

गोरखाका सीडीओ भोला दाहालका अनुसार खोर्लाबेसीबाट नेपाली सेना र आरुघाटबाट सशस्त्र प्रहरीको टोली परिचालन गरिएको छ।