लहान– सराहामा ग्राभेल खन्दा एक युवकको शव फेला परेको छ। गोलबजार नगरपालिका–१, बहिरीबाँध नजिकै करिव ३२ वर्षीय युवकको शव फेला परेको हो।

जिल्ला प्रहरी कार्यालय सिराहा अनुसार ग्राभेल उत्खनन् गरेको खाल्डोमा शव भेटिएको हो। मृतकको पहिचान भएको छैन।

घटनाको मुचुल्का उठाई शव पोस्टमार्टमका लागि लहानस्थित प्रादेशिक अस्पताल पठाइएको इलाका प्रहरी कार्यालय गोलबजारले जनाएको छ।

इन्स्पेक्टर सुनील कार्कीले उनको हत्या भएको हुन सक्ने आशंका ब्यक्त गरे। घट्ना अनुशन्धानका क्रममा प्रहरीले एक जनालाई पक्राउ पनि गरेको छ।