विराटनगर– मोटरसाईकल दुर्घटनाका घाइते मोरङका एक युवकको मृत्यु भएको छ। झापाको बिर्तामोडस्थित बीएन्डसी अस्पतालमा उपचारका क्रममा मिक्लाजुङ–४ का २८ वर्षीय लिखमल तामाङको मृत्यु भएको हो।

मिक्लाजुङ गाउँपालिका–३ धोबिनीमा शनिवार को १ ज ८९६७ नम्बरको पिकअप गाडी र मे ६ प ९८७३ नम्बरको मोटरसाइकल ठोक्किएर तामाङ र उनीसँगै मोटरसाईकलमा सवार २८ वर्षीय छवि मगर गम्भीर घाइते भएका थिए।

उनीहरुको बीएण्डसी अस्पतालमा उपचार भईरहेको थियो। घाईते मध्ये तामाङको मंगलबार विहान मृत्यु भएको मारङ प्रहरीले जनाएको छ। अर्का घाइते मगरको उपचार भइरहेको छ। दुर्घटना लगत्तै प्रहरीले पिकअप र चालक मोरङको पथरीशनिश्चरे नगरपालिका–१० का ४१ वर्षीय गंगाराम अधिकारीलाई नियन्त्रणमा लिएको छ।

अधिकारीविरुद्ध सवारी ज्यान मुद्दा चलाउने तयारी भईरहेको प्रहरीले जनाएको छ।