जनकपुर– सर्लाहीमा एक ब्यक्तिले आईतबार विहान आफ्नै भाईबुहारीको हत्या गरेका छन्।

बिष्णु गाउँपालिका– ३ मधुवन गोठका गजेन्द्र पासवानकी श्रीमती ३६ वर्षीया रेनुदेवी पासवानको हत्या गरेको आरोपमा प्रहरीले जेठाजु ४० वर्षीय साहेब पासवानलाई पक्राउ गरेको छ।

साहेबले घरायसी विवाद हुँदा रेनु देवीमाथि बिहान करिब १० बजे धारिलो हतियार प्रहार गरेको सर्लाहीका डीएसपी सरोज राईले जानकारी दिए।

प्रारम्भिक अनुसन्धानमा साहेबले रेनु खाना मागेको र सोही समयमा विवाद भएपछि एक्कासि फर्सा निकालेर प्रहार गरेका थिए। हात, मुख र घाँटीमा गम्भीर चोट लागेकी रेनुका े घटनास्थलमै मृत्यु भएको हो। साहेबलाई हतियारसहित पक्राउ गरिएको प्रहरीले जनाएको छ।

रेनुदेवीका श्रीमान् मजदुरीका लागि भारतमा रहेको जनाईएको छ।