काठमाडौं– राष्ट्रपति रामचन्द्र पौडेल मंगलबार भूकम्प प्रभावित जिल्लाहरुमा जाने भएका छन्।

पौडेल बिहान जाजरकोट र रूकुम पश्चिम जाने कार्यक्रम तय भएको उनका प्रेस सल्लाहकार किरण पोखरेलले जानकारी दिए।

भूकम्पपछिको अवस्था बुझ्न नेपाली सेनाको हेलिकप्टरबाट उनी जाजरकोट र रूकुम पश्चिम जान लागेका हुन्।

गत शुक्रबार राति जाजरकोट केन्द्र भएर भूकम्प जाँदा जनधनको क्षति भएको थियो। भुकम्पकै कारण राष्ट्रपति पौडेलले कात्तिक २२ गतेदेखि हुने युरोप भ्रमण स्थगित गरेका छन्।