विराटनगर— पाँचथरमा आफ्नै छोराले हुत्याउँदा एक वृद्धको मृत्यु भएको छ। कुम्मायक गाउँपालिका–१ का ८३ वर्षीय चन्द्रमान तामाङको मृत्यु भएको हो।

प्रहरीका अनुसार ४८ वर्षीय छोरा घनेन्द्रले चन्द्रमानसँग पैसा मागेको र नदिएपछि धकेल्दा भित्तामा ठोकिएर उनको मृत्यु भएको हो।

चन्द्रमानको अघिल्लो साँझ दुई जना छोराहरु घनेन्द्र र देवेन्द्रसँग विवाद भएको थियो। चन्द्रमानको मृत्युपपछि दुवै छोराहरुलाई पक्राउ गरी अनुसन्धान सुरु गरिएको जिल्ला प्रहरी कार्यालय पाँचथरका इन्स्पेक्टर दिवस कुँवरले बताए।