होली मनाएर नुहाउने क्रममा सुनकोशीमा वेपत्ता भएका तीनै जना बालबालिकाको शव भेटियो
शीर्ष खबर
१४ चैत २०८० ११:१६
गाईघाट– उदयपुरको त्रियुगा नगरपालिका –१४, धाप्लाङ स्थित सुनकोशीमा बेपत्ता भएका तीनै जना बालबालिकाको शव फेला परेको छ।
धाप्लाङ घाटभन्दा करिब १ किलोमिटर तल ८ वर्षीय चोकलचन्द्र मगर र ११ वर्षीया रेखा मगरको शव बुधबार फेला परेको हो। शव उत्रिएको अवस्थामा भेटिएको सशस्त्र प्रहरीको बराह बाहिनीका डीआईजी अन्जनीकुमार पोखरेलले बताए।
मंगलबार ९ वर्षीय रिदम मगरको शव फेला भेटिएको थियो। शवलाई पोष्टमार्टमका लागि जिल्ला अस्पताल गाईघाट ल्याईएको छ।
धाप्लाङमा आइतबार होली मनाएर पौडी खेल्न गएका ५ बालबालिका मध्ये ३ बालबालिका सुनकोशी नदीमा बेपत्ता भएका थिए। २ जनालाई स्थानीयले उद्धार गरेका थिए।
प्रतिक्रिया
