इटहरी- सुनसरीको इटहरी–३, त्रिवेणी चौकमा रहेको रेडिमेड कपडा उद्योगमा आगलागी हुँदा करिव ३ करोडको क्षति भएको छ।

गएराति करिव १२ वजे पासाङ शेर्पाको ‘शेर्पा रेडिमेड कपडा उद्योग’ मा आगलागि भएको हो। सुरक्षानिकाय, इटहरी, दुहवी, सुन्दरहरैचा र रामधुनीका गरी ४ वटा दमकल र स्थानीयको प्रयासमा करिव डेढ घण्टापछि आगो नियन्त्रणमा आएको थियो।

आगलागीबाट २ करोड ७५ लाख रुपैयाँ बराबरको क्षति भएको प्रारम्भिक अनुमान छ। विद्युत सर्ट भएर आगलागी भएको जनाईएको छ।