खुकुरी प्रहार गरी महिलाको हत्या, दुई जना घाईते
शीर्ष खबर
६ असोज २०८० १२:२७
दाङ– दाङमा खुकुरी प्रहार गरी एक जनाको हत्या गरिएको छ भने अन्य दुईजना घाइते भएका छन् ।
तुलसीपुर उपमहानगरपालिका– ११ बेलटाकुराकी भगवती टोलकी अन्दाजी ४३ वर्षीया रीता लामिछानेको हत्या भएको प्रहरीले जनाएको छ।
शनिबार दिउँसो साढे २ बजे स्थानीय टेकबहादुर हमालको खुकुरी प्रहारबाट उनको मृत्यु भएको प्रहरीले जनाएको छ ।
आफ्नै घर अगाडि रहेका बेला लामिछानेमाथि खुकुरी प्रहार भएको र घटनास्थलमै मृत्यु भएको इलाका प्रहरी कार्यालय तुलसीपुरका इन्स्पेक्टर नवराज केसीले जानकारी दिए ।
खुकुरी प्रहारबाट सोही ठाउँका ४५ वर्षीय वीरबहादुर हमाल र ६५ वर्षीय कमलाकुमारी हमाल घाइते भएका छन् ।
उनीहरुको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ । घरभित्र लुकिरहेका टेकबहादुरलाई खुकुरीसहित प्रहरी पक्राउ गरिएको प्रहरीले जनाए। घट्नाको कारण खुलेको छैन।
प्रतिक्रिया
