जनकपुर– लिटिल बुद्धका नामले चर्चित र विवादित कथित तपस्वी रामबहादुर बम्जनलाई सर्लाही जिल्ला अदालतले बाल यौन दुरुपयोग मुद्दामा दोषी ठहर गरेको छ। जिल्ला न्यायाधीश जीवनकुमार भण्डारीको इजलासले बम्जनलाई दोषी ठहर गरेको हो।

२४ पुस ०८० मा बूढानीलकण्ठस्थित घरैबाट पक्राउ परेका उनी हाल सर्लाही कारागरमा थुनामा छन्। उनलाई प्रहरीको केन्द्रीय अनुसन्धान व्यूरो (सीआईबी) ले पक्राउको थियो। बालयौन दुराचार मुद्दामा दोषी ठहर भएका उनका लागि सजाय निर्धारण गर्न अदालतले छुट्टै पेशी तोक्ने छ।

बम्जनविरुद्ध सर्लाहीबाहेक पर्सा, सिन्धुली र सिन्धुपाल्चोकमा पनि यौन दुराचार गरेको र मानिस बेपत्ता पारेको आरोपमा मुद्दा चलिरहेको छ। सर्लाहीको आश्रममा रहँदा अनुयायीलाई बलात्कार गरेको र पोल खुल्ने डरले वेपत्ता पारेको आरोप लागेपछि उनी लामो समय फरार भएका थिए।

बम्जनविरुद्ध सर्लाहीकी २९ वर्षीया रीता बोटलाई बेपत्ता पारेको आरोप छ। महिलाकी आमाले २०७५ सालमा किटानी जोहरी दिएकी थिइन्। यसैगरी, बाराका सुरेशकुमार आले मगर, नुवाकोटकी कर्मा तामाङ, मकवानपुरकी फुलमाया रुम्बा, सुरेश आले मगर र सञ्चमान बाइवालाई बेपत्ता पारेको आरोप पनि उनीमाथि छ।

यो पनि,

• बम्जन विरुद्ध बलात्कारको मुद्दा हाल्ने किशोरीका बुबाको ट्याक्टरको ठक्करबाट मृत्यु, हत्याको आशंका
• रामबहादुर बम्जनले छोडे योग र ध्यान, टीभी हेरेर दिन विताउँदै
• तपस्वीको वर्कोभित्र अपराधको रक्षा, अरुलाई ज्ञान बाँड्ने बम्जनको योग्यता ५ कक्षा
• कारागारमा बम्जनलाई छुट्टै खानाः लसुन, प्याज र बेसार दिईएन
• बम्जनको कुकर्ममा श्रीमतीको साथ, १४ वर्षकी बालिकाको बलात्कारपछि दीपशिखाद्वारा कुटपिट
• कथित ‘तपस्वी’ बम्जनलाई डेढ बजे राती ल्याईयो सर्लाही, दुई वटा मुद्दा चल्ने
• एक महिनाको आफनै बच्चाका कारण पक्राउ परे विवादित तपस्वी बमजन
• ४ जनालाई वेपत्ता पारेको आरोपपछि फरार भएका विवादित तपस्वी बम्जन पक्राउ
• पाँच वर्षदेखि कहाँ हराए तपस्वी रामबहादुर बम्जन, सीआईबी भन्छ– आश्रममै छन्
• ५ करोडको ल्याण्ड क्रुजरमा सयर गर्ने योजनामा थिए बमजन, ३ करोड अग्रिम भुक्तानी
• हत्या, वेपत्ता र बलात्कारका आरोपी बमजनलाई जिम्मा लिन पूर्वमन्त्री नै सीआईबीमा पुगेपछि…