काठमाडौं– लागूऔषध कारोबारी एक भारतीय नागरिकलाई पक्राउ गर्न प्रहरी बुधबार काठमाण्डौको गोठाटारमा गोली चलाएको छ।

प्रहरीको गोली भारतीय नागरिक मोहमद करिमको दाहिने तीघ्रामा लागेको छ। उपत्यका अपराध अनुसन्धान कार्यालयले उनको साथबाट दुई सय ग्राम खैरो हेरोइन र तराजु बरामद गरेको छ।

उनीसँगै नेपाली नागरिक हर्क लिम्बु पनि पक्राउ परेको उपत्यका अपराध अनुसन्धान कार्यालयका एसपी रवीन्द्र रेग्मीले बताए। पक्राउ गर्न खोज्दा करिमले आक्रमण गर्न खोजेपछि गोली चलाउनु परेको उनले वताए।

यसअघि २८ जेठमा पनि प्रहरीको लागूऔषध नियन्त्रण ब्यूरोले गोली हानेर एक जना लागूऔषध कारोबारीलाई समातेको थियो।