राजविराज– खोटाङको दिक्तेल रूपाकोट मझुवागढी नगरपालिकामा ३१ वर्षीय युवकको छुरा प्रहार गरी हत्या भएको छ।

वडा नं. ११ खार्मीका ३१ वर्षीय धनजित राईको गएराति मृत्यु भएको हो। राईको राती करिव सवा ८ बजे मृत्यु भएको खोटाङ प्रहरीले जनाएको छ।

जिल्ला प्रहरी कार्यालय खोटाङका इन्स्पेक्टर बेनु कार्कीका अनुसार राईलाई ३ जना मिलेर छुरा प्रहार गरेका थिए। स्थानीय भीमबहादुर राईको मकैबारीमा उनीमाथि छुरा प्रहार भएको हो।

घट्नामा संलग्नलाई पक्राउ गर्न प्रहरी परिचालन भएको जनाईएको छ।