फत्तेपुर (सप्तरी)– नागरिकको कर र राजस्वको पैसा सेवामुखी काममा खर्च गर्नुपर्ने स्थानीय सरकार आफैं मोजमस्तीमा लिप्त रहेको तथ्य फेरि एकपटक प्रमाणित भएको छ। सप्तकोशी नगरपालिकाले विविध खर्च र अतिथि सत्कार शीर्षकमा १४ लाखभन्दा बढी रकम होटलका बिल र भोजभतेरमै सिध्याएको महालेखा परीक्षकको प्रतिवेदनमा औंल्याइएको छ।

आर्थिक वर्ष ०८१/०८२ को महालेखा परीक्षकको प्रतिवेदन अनुसार खर्चको औचित्य पुष्टि गर्ने कुनै कागजात पेश नगरी सयौंको संख्यामा खाजा, खाना र चिया–नास्ताको होटल बिल मात्रै संलग्न गरिएको छ। यस्तो खर्चले नगरको वित्तीय अनुशासनमाथि गम्भीर प्रश्न उठाएको छ।

महालेखाको प्रतिवेदनअनुसार, पालिकाले विविध खर्च शीर्षकबाट ६ लाख ६४ हजार ८३९ र अतिथि सत्कार शीर्षकबाट ७ लाख ९९ हजार ६३९ रुपैयाँ खर्च गरेको छ। त्यसबाहेक, सभा सञ्चालन शीर्षकमा छुट्याइएको ७ लाख बजेटमध्ये झन्डै सबै रकम सकिएको देखिन्छ। ‘यत्रो खर्चका कागजात परीक्षण गर्दा पुष्टि गर्ने औपचारिक कागजात छैन’– महालेखाले टिप्पणी गरेको छ।

सप्तकोशी नगरपालिकाका जनप्रतिनिधि र कर्मचारीले जनताको रगत परिनाबाट संकलन गरेको रकम मोजमस्तीमा उडाएको यो पहिलो घट्ना होइन, यसअघि क्षमता अभिवृद्धिको बजेट पिकनिकमा उडकाएको घट्ना सार्वजनिक भएको थियो।

०७९ फागुन १३ गते शनिबार ११ वटै वडाका जनप्रतिनिधि र विभिन्न शाखाका कर्मचारीले नगरकै बजेट खर्च गरी पिकनिक गरेका थिए। उनीहरूले पिकनिकका फोटो र भिडियो सामाजिक सञ्जालमा राखेपछि घट्ना सार्वजनिक भएको थियो। व्यापक आलोचना भएपछि कतिपय सामग्री हटाइयो।

कर्मचारीका अनुसार, पिकनिकको कार्यक्रम कार्यपालिका बैठक र नगरसभा छलफलकै आधारमा तय भएको थियो। पिकनिकको डिजाईनर तत्कालिन प्रमुख प्रशासकीय अधिकृत रामदेव चौधरी र मेयर कृष्णप्रसाद ढकाल हुन। मेयर ढकालले पनि पिकनिक आयोजना भएको स्वीकारेका थिए।

यो पनि,

• नगरको पैसामा जनप्रतिनिधि–कर्मचारीको मोज, क्षमता विकासका नाममा कोशी किनारमा वनभोज
• विज्ञापनका नाममा सप्तरीका स्थानीय तहमा लाखौं अनियमितता, सप्तकोशीले नियम छलेर उडायो ११ लाख
• सप्तकोशीका रिटायर्ड कर्मचारीले अनियमित तरिकाले ‘फाउ’मा लिए २ महिनाको तलव
• सप्तकोशीमा भत्ताकै लागि प्रश्ताव र निर्णय विनाको वैठक बस्छन न्यायिक समितिका पदाधिकारी
• सप्तकोशीमा राजश्वको रकम कर्मचारीको गोजीमा, कार्यालयमा छैन रसिदको हिसाव–किताव
• सप्तकोशीमा भ्रमण र विविध खर्चमा मात्रै १८ लाख झ्वामः छैन पुष्टिसहितको प्रतिवेदन र उपलब्धी
• सप्तकोशी नगरपालिकामा अस्तब्यस्त छ आर्थिक ब्यवस्थाः १५ करोड वेरुजुको चाङमा बसेका छन् जनप्रतिनिधि
• सप्तकोशी नगरपालिकामा यसरी हुन्छ अख्तियारको दुरुपयोगः हस्तान्तरण नै नभएको चुहिने घरमा चोचोमोचो मिलाएर सर्यो कार्यालय (फोटो फिचर)
• सप्तकोशी नपामा नागरिकलाई सिटामोल छैन, जनप्रतिनिधि र कर्मचारीलाई रक्सी र मासु
• डेढ लाखको ‘क्षमता अभिवृद्धि पिकनिक’ मा मेयर र प्रशासकीय अधिकृतको कुरा वाझियो
• नगरको पैसामा जनप्रतिनिधि–कर्मचारीको मोज, क्षमता विकासका नाममा कोशी किनारमा वनभोज
• औषधीमा कमिशनको चलखेलः जनप्रतिनिधिको गम्भिर खेलाँची, नागरिकको स्वास्थ्यमा झेल
• ब्यक्तिगत मन्दिरमा छिर्न वाटो नै नभएको ठाउँमा ६ लाखको गेट